إنا لله و إنا اليه راجعون

يتبـــع ..







واخذت المسدس من هاللي فيه عود بلاستيك تسعبل عليه ويلصق بالجدار ، واحطه بمخباي وادررعم للبيت ، وقعدت اسبوع اتدرب على المسدس وكل مااشوف الشايب اسعبل على الرصاصه والصقها في جبهته عاد الوالد مقدّر وضعي بغيب عنه ثمنة اشهر مدة الدوره ، وانا يا غافل لي الله احسب اني بروح اخذ المسدس واطرّد هالحراميه بالشوارع المهم قضى الاسبوع واضب اغراضي بالشنطه وزيادتن على الصراويل الحُمر ، اخذت معي خمس بناطيل طيحني وخمس تي شيرتات ، وبودرة تبييض وجه ، وجل شعر ، ومرطب شفاه و كحل <- وش عندها العروس رايحه قصر افراح؟

وادررعم لميدان التجنيد ويوم وصلت للبوابه فتّشني الجندي واسهب في تفتيشي من بد كل العسكر اللي معي ولقا العلوم اللي ما تسر من جل شعر و مرطب شفاه ومشط و كحل وصادرها عليّ ، ثم قالّي : أدخل .!! وين ادخول انتا التاني ؟؟!! أديني بس المسدس وخليني اروح اشوف شوغلي .!
الجندي : اقول ادخل ولا يكثر انت وهالطخه كنك افغاني جايبينك تشتغل في الميز . ( بوفية العسكر المفتوحه )
المهم دخلت مع البوابه ومعلق شنطتي على كتفي ، ومدري ان دخلتي ذي ما وراها طلعه إلاّ عقب ثمنة اشهر .! عاد صفينا طابور انا ومعي حول ثلاثمية عسكري مستجد ، ويدخلونا البركس ( غرف النوم ) وحطينا اغراضنا ، وبينما أنا منهمك في وضع شنطتي بالدولاب ، سمعت اثنين عسكر واحد منهم يقول لخويّه ، عان عان ذا المزيون ، ورفيقه يرد : اويلاااه يا نجر لو يحطون سريري جمب سريره ، عليّ الحرام ماتنتهي الدوره إلاّ و هو شايلن بزارينه على تستفه .!
عاد انا بهاللحظه عرّقت وفيني الصييييحه ومع اللخطبه بغيت احط شنطتي بالدولاب قمت ذبيتها في وجه نجر ودخلت الدولاب وصكرت على نفسي ، المهم طلع نجر ورفيقه للميدان ، و يخش ضابط للبركس يبي يشيّك هل كل المستجدين بالميدان ولاّ بوه واحدن راقد بالبركس .! ويوم وصل لدولابي سمع صوت غريب .! فك باب الدولاب ولقاني ضام ركبي على بطني وحاط يديني على خدي ودموعي اربع اربع واصيح يا أومييي آه يا أومييي وين رووحتي .!
الضابط : وش مقعدك فيذا يا جزمه ..؟!
ناظرته وانا في حاله على مايقولون ( يرثى لها ) وسعابيلي ناشفه و ملتصقه ببراطمي وعيوني حمرراا من البكا : آآه ابغااا أوومييي ، فيه ناس موجرمين يبغو يدبحووني اااه يا أووميي .!
اقول قداااااامي للميدان يالوح ويتلني بيده إلاّ وانا ازحف على وجهي بوسط البركس ويمسكني تشويت لين وصلت الميدان .

يالله فصخ فانيلتك والبنطلون وازحف بالميدان . ! يا واد استحي على وجهك يا وااااد ، اهبل انتا ؟ افسخ البنطلون واقعود عريان كدا قدام هدولي البدو؟!
الضابط : فصصصخ يا جزمه و ازحف لا والله اخليك تنظف بساطير العسكر .
احول الله ، دحين انا جاي اخود المسدس ولاّ جاي افصخ ملابسي .! طيب طيب امري لله حفصخ البنطلون بس خليهم يغمضوو عيونهم .

وافصخ الفانيله إلاّ واسمع شهييق و زفير العسسكر واحط يدي على مغاط البنطلون ويادوووب بنزل منه شوي إلاّ وعشر من العسكر اغما عليهم ،،، ثم نزلت البنطلون لين ركبي تسان يغما على ميتين وخمسين عسكري والباقين ما اغما عليهم تدرون ليه ؟ لأنهم مطاوعه ومغمضين عيونهم اما الضابط اللي مجازيني دار على نفسه دورتين وطرررباااخ يهبد برااسه على السكه المهم فصخت البنطلون ومعاد باقي عليّ إلاّ صروال قصير لونه فوشي ومرسوم عليه قلوب وورود بنفسجيه انبطحت بالميدان وفخوووذي من يوم خلقني الله وهي ملللطااا و تلق ومابها ولا شعره كنها فخوذ صناعيّه وبهالوقت صحى الضابط ويوم شافني بهالوضعيه انتفشش شعره وارتفعت البريهه ( طاقية العسكر ) ثنين متر عن راسه ، وقالي: بسس بسس الله ياخذك البس بنطلونك لا تبلشنا مع هالعسكر ، لا لا ، انت يبي لك بركسس لحااالك عشان لحد ياصلك بالليل ويزهم العريف اللي جمبه ، يا عريييييف
العريف : سم طال عمرك
الضابط : كم كيلوا كافور طالبينه لذا الدوره ؟!
العريف : ميتين كيلو يا طويل العمر .
الضابط : خللله طن كافور وركز على العسكر اللي يرقدون مع لؤي بنفس البركس ، صبّحهم على كافور ومسيهم على كافور ، ثم خلّل الكافور بقوارير صحّه ، واذا بغو يشربون ماء اسقيهم من ماء المخلّل ، ولاّ تدري يالعريف الظاهر اني كل ليله باخذ معي لؤي للبيت يرقد بغرفتن لحاله لأنه بصراحه آمانه برقبتي وخايف لا يجيه شي

المهم لبست بنطلوني واصف بالطابور العسكري إلاّ ووراي ابن اللذينا ( نجر ) وهرولنا على الميدان والعسكر يغنّون " بلادى بلادى اسلمى و انعمى سأرويك حين الظما من دمى ورب العقيدة لن تهزمى و من اكمل الدين للمسلمين " وانا داق حنك مع نانسي عجرم واغني لها " شخبط شخابيط لخبط لخابيط مسك الالوان ورسم ع الحيط شخبط شخابيط لخبط لخابيط " إلاّ ونجر ملعون الوالدين فاكها ضحك بوسط الهروله ههههههههههههههه أبك صاحي انت وش تقول ..؟! والتفت له بنص عين ايش لك شوغل يا موقرف؟! هادي نانسي مو حيّ الله .
الظابط : بهاللحظه شاف نجررر فاااقع ضحك ويوقف الهروله ، وطلّعه من الطابور ويقوله فصخ و ازحف على الميدان بصروالك القصير يا جززمه ، عاد اخو بدوه ماعاقت معه فصخ فانيلته وأول مافصخ الصروال هب علينا ذاك العجااااج ، اعاصير وانواع الغبار الله يلعن امه ، قسمن بالله يا عليه صروال اصفر ( كان لونه ابيض قبل عشر سنوات ) بس مخيس مخيس مخيسسس لو يشمه بوش ، حراام ان ينطق الشهادتين و يطلق لحيته و يقلب امريكا جمهوريه اسلاميه ، عاد انا من الريحه اكذب عليكم لو اقولكم تحمّلت صنان هالجيفه ..!! ، ناظرت السما وزاغت عيوني واخذت لفه على نفسي وانا اقول افففف ايش هادي الريحه يا أومي ( كني حرمة ناصر القصبي اللي توحمت عليه ) وطررررربااااق على ظهري بس هالمره مهوب في الميدان إلاّ بحضن الدب خوي نجر ( كنّي ادورها من الله ) ، وه يالربع حسيت اني منسدح على سليب هاااي

إلاّ تعالوا مالاحظتو كل جزوات الضابط فيها تفصيخ صراويل .؟! ، المهم لا تدققون جاء الضابط لمّي وانا بحضن الدب ، وقال صحّي ذا الخكري خلنا نكمل هروله .!
الدب : يا حضرة الضابط يا حضرة الضابط ( وسعابيله تقوطر على اذني ) انتم كملوا الهروله وانا بقعد على هالوضع لين يصحى لؤي ، ولا تنسا يا حضرة الضابط أن من فرّج على اخيه المسلم كربه فرّج الله عليه كرب يوم القيامه <-- عاد مدري وش دخل هالحديث بالموضوع ؟ ولكن هو وش يقصد كربته ولاّ كربة لؤي ( هنا السؤال D: )
الضابط : اقول صحي هالمايع لا اجازيك مع خويك ابو صروال اصفر <- يقصد نجر اللي لابس شورت النصر . D:
الدب : يدق كتفي قم يا لؤي قم خلنا نكمل هروله .
انا : أووووه يا أوووومي خليني اكمل نومي مرررره تعبان .!
الدب: حظني بقووووه اييييه يا وليدي نم نم جعله نوم العافيه <- الكلب ماصدق خبر وتقمص دور الأم
انا : أيي يا اومي بشووويش كتفي مرره يعوّرني .!
الضابط : يا عرييييييف اسعفنا بثنين كيلوا كافور .!
ويلطمني الضابط إلاّ وانا صاااحي كن لي عشر سنين مارقدت وصرت احرك رجليني واهرول وانا واقف .

كمّلنا هرولتنا وتمرنا ذاك اليوم تمرين قااااسي لين الساعه احدعش بالليل وصرفونا على البركسات عقب ما تعشينا ملوخيه بالكافور ، انسدحت على سريري وهالليله او ليله بحياتي انام فيها برا البيت ، وتجمّعت هموم خلق الله كلها فيني ، حاولت امسك نفسي واصير رجال ، بس ماقدرت ، شوي إلاّ دموعي بدت تنهمر وابكي على خفييييف عشان محد يسمعني ، إلتفت لي نجر ، لؤي علامك عسى ماشر؟!
آآه يا اووومي آآه ، وش فيها امك اكيد تبيها؟! .! لأ ، اجل اكيييد تبي ابوك ؟! برضوو لأ ، طيب وش فيك لئلوئتي؟ ابغاااا دبدوووبي مااقدر ارقد إلاّ وهو بحوظني ااااه يا دبدووبي يا حبيبي
نجر : قرّب مني وبدا صدره يلامس كتفي ، طيب ممكن اصير لك دبدوب يالؤي ..؟!
ابعد عني يا وحششش ، ولاّ واللهي حروح للزابط و اقولّو انك تسويلي حاجت وسخه وبايخه .! يلا ابعد بلافشكلك .
نجر : لا تخاف يا لؤي اصلا انا صاير وديع عقب ما اكلت الكافور
يوووووه ، اشبك انتا؟!
نجر : طيب طيب لا تعصّب خلاص برجع سريري ، اصلا انا الغلطان اني بغيت اصير لك دبدوب واحسسك بالحنان .!


رجع نجر لسريره وقام خويّه الدب طفا النور وبديت اغط في نومي ، شوي حسيت بحركات غريبه ونغزات اصابع وافز من سريري إلاّ واشوف نجر متأهب للإنبطاح على سريري .!
قام نجر يبي يصرف الموضوع ويمغط رجيلاته ويحرك يدينه ويعد واحد ، تنين ، تلات اربع ، ويقول لرفيقه الدب ، تصدق يا مفلح ان الدخاتره يمدحون الحركات الرياضيه في آخر الليل ، يالله يالله رقدنا ورانا قومه من الصبح ..!!

وانا اللي اخذ بطانيتي ومخدتي وارقد تحت السرير ، لا يضيّعون مستقبلي هالبدو عساهم البلا " المهم صحيت الصبح ولقيت نفسي اسبح في سعابيل مفلح الدب اللي راقد جمبي ، عاد وش جابه تحت سريري مدري .!

ميزة البدو ، إنهم اذا حطّوا شي بروسهم يجيبونه يعني يجيبونه واعلى مافي خيلك اركبه .

درعمت للميدان وانا والله حاس ان فيني شي موب طبيعي ، حاس بحاجات غريبه و آلام استحي لا احط يدي على موضوع الألم ، بس والله ياهي كانت نومه بنت كلب

صفيت طابور مع العسكر ومسكنا الميدان هروله لين الساعه 11 ، وعقب الهروله جاء دور التعليم على السلاح ، وصرفولي رشاش عيار كلاكنشوف ، طبعا اول ماشفت الرشاش حسبته مثل مسدسي ابو سعبوله اشيله بصبع واحد ، عاد يوم جاني العريف بالرشاش سويت نفسي محترف قنص ومتدرب على الطلق قبل لا اخش الدوره ، وامسك الرشاش بيد وحده "مادريت الا وهو خالعن تستفي وطايح بالارض ، يا عسكري انتا جايبلي مسدس ولاّ صاروخ ؟؟! اشبو تقيل كدا؟! وادنّق ابي اشيله لكن عجزت واقول للدب مفلح : يبويا اشبك تطُل وماتسوي حاجه ؟ ساعدني بلافشكلك يالله يالله انا بمسكووو مع راسوو وانتا امسك ديلوو عشان نرفعوو سوا وتحطووو على ظهري ،،، بس اشبو تقيل كدا ؟؟ شكلوو مليان رصاص
مفلح : لا لا يا لؤي مااقدر اشيله معك ، لأن ركبي تعورني .! <- الحين وش دخّل اووم ركبته بالموضوع ؟! شي غريب صراحه
و أسحّب الرشاش في الارض لين وصلت للظابط
اسمع يبويا خود هادا الرشاش واعطيني رشاش جوّتو ، حبتين رصاصه عشان اقدر اشيلو ، اما هادا مررره تقيل ، وبعدين الزابط القديم أداني مسدس اتفول عليه وتنطلق رصاصتو زي الهوا ، ابغا واحد زيّو ،، ممكن تديني هوّا .!
الضابط : وش تقول انت أي مسدس ؟!يبويا اشبك المسدس ابو ريقه ما تعرفوو ؟!
الضابط : خذ رشاشك وروح صف طابور مع زملاك لا قسم بالله ارميك اسبوع في التوقيف يا جزمه .!
طيب طيب لا تعصب يبويا ، حاخود رشاشتي واصف طابور مع هدولا البدو .
واحط الرشاش على ظهري وامشي وانا راكع كني شايب منكسر ظهره .

ونتدرب هاك اليوم على السلاح وشلون نطلق ووشلون نعبيه رصاص وما قضى التمرين إلاّ وانا فالقن راس نجر وخويه الدب .

وعقب التدريب درعمنا للميز عشان نتغدا ونرجع للميدان ، المهم جلست بالطاوله وطبعا كالعاده عن يميني نجر وعن يساري مفلح الدب وكل واحد ودّه يأكلني بيده كأني حرمتن له
نجر : تصدق يا لؤي اني بديت ارتاح لك ياخي ؟!
مفلح : ههاهاها حتى انا يالؤي حبيتك والله .!
نجر : مفلح .!! انا اعرفك يا مفلح انت ماتحب في الله ،، اكيد وراك غرض معيّن .! ارجوك لا تخرّب عليّ انا اللي حابه قبلك .
مفلح : انا اللي ارجوك يا نجر ، اصلا انا شايف لؤي قبلك عند بوابة الميدان .
نجر : لؤي بالله عليك من احلا انا ولاّ مفلح؟!انا : وعععع كولّكم تخرعون .
مفلح : يا رووحي يالؤي ، اكيد الكلام مهوب من قلبك .!
نجر : ههههه ايه ايه يا مفلح مهوب من قلبه ، وبهاللحظه قام نجر وغمس اصبعه في صحن الايدام وطلّع ورقة كافور ومدّها للؤي وقالّه خذ يا حياتي عربون محبتنا .!!
لؤي : ايش هادا يا اهبل؟!
نجر : هذا كافور يا قلبي ، اول مره تشوف كافور؟! صدقني يالؤي لولا هالكافور يمدي هالحين اربع غرز في ظهرك ، المفروض عقب ما تتخرج من الدوره تقدّس هالنبته وتزرعها في حديقة بيتكم لأنها صانت شرفك .!لؤي : عض طرف اصبعه ههههه مااحوب الكافوره ، يلاّّ نروح البركس

طلع لؤي من الميز وراح البركس عشان يرتاح ، وناظر نجر خويّه مفلح ثم تنهد آآآه يا مفلح يااخي تصدق ان لؤي انسان طيب وحبّوب وبن حلال بس البيئة اللي عاش فيها ماكانت تساعده على ان يكون رجّال خشن ويعتمد على نفسه .!مفلح : لا يكثر يا نجر ولا تحاول تبرر ، انا حاب لؤي قبلك وارجوك لا تخرّب علي .!
نجر : يا مفلح يا حبيبي اتفل الشيطان ، تراه مهمن كان رفيقنا وبيننا عيش وملح وبعدين ياااخي اعتبره مثل اختك ، ترضا ، احد يحب اختك؟!
مفلح : أي والله صدقت يا نجر ، خلاص من اليوم ورايح بعتبر لؤي مثل اختي وصدقني لحميه من السرابيت اللي بالدوره وبإذن الله ما يتخرّج إلاّ وهو رجّال .!
نجر : على طاري الدوره يا مفلح ، كم باقي على دورتك؟
مفلح : يمكن باقي خمسة اشهر .!!
نجر : يووه يا مفلح اثرك من النوع اللي يطوّل ؟! يالله ، الله يفكني ويفكك من هالدوره على خير ونتخرج بالسلامه

مفلح : الله يعطيك على قد نيتك يا نجر ، الزبده خلنا نروح لم لؤي وندرّبه على المرجله.

وبالفعل ما قصّر نجر و مفلح مع خويهم لؤي وعلّموه شلون يصير خشن ويعتمد على نفسه ، و مرّت الأيام وكل يوم يتعلم لؤي من علوم الرياجيل واصبح مضرب مثل ( هنا قاطعني الماصل مفلح وقال : مضرب مثل ولاّ مضرب تنس هاهاها ) <- لا تشرهون عليه ، ترا تجي عليه ، احيان حالات مدري وش تبي ، الزبده كان لؤي مضرب تنس في القوة والإخلاص ، لين تخرّج من الدوره وشنبه واصلن كتوفه ، ونصب له خيمه بالثمامه وشراله بعارين وملزم يصير رجّال مثل اخوياه نجر ومفلح ، بس للاسف بعد ثلاث اشهر من تخرجه من الدوره اكتشف انه حامل بالشهر الرابع هههههههه لا عاد الصدق صار رجال نشمي ومن كبار شعراء القلطه بالجزيرة العربيه .



ما يستفاد

رسالة إلى كل طرش بحر ، استحوا على وجوهكم ولا تلبّسون عيالكم صراويل طيحني و سامحني يا بابا ، واعني بالذكر للي عيالهم هرووش وظهورهم مشعّره ، لأنهم اذا قعدو نزل البنطول وارتفع التيشرت وغدا ظهر الواحد كنه ملعب قولف ..!!


...

اخشوشنو فان النعم لا تدوم / و سامحونا .!





كليجـآ ..

الروٍوٍعهـٍ . والتميــّـزٍ . / حيآأتي . كلهآ بيدك /. إهوو توٍآجدك بهالصفحهـٍ ..




أشكرك . على الرٍد . الجميــّـلٍ ..